The Lothian Hairst

On August twelfth fae Aiberdeen we sailed upon the Prince, And landed safe on Clifford's Field's the harvest to commence; For six long weeks the country roun, fae toun tae toun we went, And we took richt weel wi the Lothian fare and felt richt weel content. 2. Oor gaffer Willie Mathieson, fae sweet Deeside he came, Oor foreman cam fae that same airt and Logan was his name; For brisk young lads we haed twa score and oor lassies were but few, But Logan treated us sae weel and he kept a decent crew. 3. Noo I follaed Logan on the point, sae weel's he laid it doun, Sae nimbly as he led a squad ower mony's a thristly toun; My mate and I we got nae chance for Logan's watchful eye, And wi the lads we could get nae sport for Logan was sae fly. 4. He cleared the bothy every nicht afore we went to sleep, Neither did he leave bit one, so strick his rules did keep; An fen we came tae Aiberdeen, he'll weel deserve a spree, For the herding o us aa sae weel, for the Lothian tumes were free. 5. Oh noo the corn is aa cut doun and we are on the pier, Fareweel ye Lothian feather beds and aa the Lothian cheer; Fareweel McKenzie, Reid and Ross and aa the jovial crew, And Logan, Chapman, Jock and Pratt and the Royal Stewarts too.