Blythe Was She

Melody - Andrew an' his Cutty Gun

Robert Burns, 1787

Chorus:
Blythe, blythe and merry was she,
Blythe was she butt and ben;
Blythe by the banks of Earn,
And blythe in Glenturit glen.

By Oughtertyre grows the aik,
On Yarrow banks the birken shaw;
But Phemie was a bonier lass
Than braes o' Yarrow ever saw.
Chorus:

2. Her looks were like a flow'r in May,
Her smile was like a simmer morn:
Shc tripped by the banks o Earn,
As light's a bird upon a thorn.
Chorus:

3. Her bonie face it was as meek
As onie lamb upon a lea;
The evening sun was ne'er sae sweet
As was the blink o' Phemie's e'e.
Chorus:

4. The Highland hills I've wander'd wide,
As o'er the lawlands I hae been;
But Phemie was the blythest lass
That ever trod the dewy green.
Chorus:

Line