Wörom solle mer ald in de Heija gon

Line
Melodie -
Line

Hät mer am Dag sing Flich gedon,
Ess mööd vum strapeziere,
Da will mer sich des Ovends gähn
E Stündchen amüsiere.
Zum Beispiel ich ming Freud dran han
Un jedes mol mich ärgre kann,
Wenn einer sprich vum Schlofegon,
Dä mög ich glich zerschlond.
Denn grade in der Ovendzeit
Liegt doch die Gemütlichkeit.
Saht, han ich nit rääch?
Refrain:
|: Woröm solle mer ald in de Heija gon,
De Heija gon, de Heija gon?
Et ess noch vill zo fröh,
Mer blieve noch jet he! :|
2. Ich nemmen an, mer kömen hück
So richtig ens dohinger,
Op eimol steiht ene Schutzmann da
Un hiff d'r Zeigefinger
Zum Feierovend in die Höh,
Da hätt ich glich en got Idee,
Mer fielen all ihm jedenfalls
Zoeets ens öm d'r Hals
Un sähten dann: Du geis nit fähl,
Komm erenn, do leeve Kääl,
Drink dir eine met!
Refrain:

3. So wie mer he zosamme sin,
Ess jeder sich im klore,
Mer existieren all nit mih
Bestemmb in hundert Johre.
Dröm nur nit drüvver nohgedaach,
Wat git et bloß d'r andren Dag.
D'r Augenblick, dat ess d'r Wetz,
Un dä weed usgenötz.
Dröm sorgt und halt et Hätz em Schwung,
Denn mer kummen doch so jung
Nit mih beienein.
Refrain:

Line

| Liederverzeichnis | Home Page Robokopp |Home Page Musica|
Line