Young Jamie, Pride Of A' The Plain

Melody - "The Carlin of the Glen"

Robert Burns, 1794

Young Jamie, pride of a' the plain,
Sae gallant and sae gay a swain,
Thro' a' our lasses he did rove,
And reign'd resistless King of Love.

2. But now, wi' sighs and starting tears,
He strays amang the woods and breirs;
Or in the glens and rocky caves,
His sad complaining dowie raves:

3. "I wha sae late did range and rove,
And chang'd with every moon my love,
I little thought the time was near,
Repentance I should buy sae dear.

4. "The slighted maids my torments see,
And laugh at a' the pangs I dree;
While she, my cruel, scornful Fair,
Forbids me e'er to see her mair."

Line