What Can A Young Lassie Do Wi' An Auld Man

Melody -

Robert Burns, 1791

What can a young lassie, what shall a young lassie,
What can a young lassie do wi' an auld man?
|: Bad luck on the penny that tempted my minnie
To sell her puir Jenny for siller an' lan'. :|

2. He's always compleenin' frae mornin' to e'enin',
He hoasts and he hirples the weary day lang;
|: He's doylt and he's dozin, his blude it is frozen,
O, dreary's the night wi' a crazy auld man! :|

3. He hums and he hankers, he frets and he cankers,
I never can please him do a' that I can;
|: He's peevish an' jealous o' a' the young fellows,
O, dool on the day I met wi' an auld man! :|

4. My auld auntie Katie upon me taks pity,
I'll do my endeavour to follow her plan;
|: I'll cross him an' wrack him, until I heartbreak him
And then his auld brass will buy me a new pan. :|

| Song Index | Home Page |