A Waukrife Minnie

Line
Melody -
Line

Robert Burns, 1789

Whare are you gaun, my bonie lass,
Whare are you gaun, my hinnie?
She answered me right saucilie,
"An errand for my minnie."

2. O whare live ye, my bonie lass,
O whare live ye, my hinnie?
"By yon burnside, gin ye maun ken,
In a wee house wi' my minnie."

3. But I foor up the glen at e'en.
To see my bonie lassie;
And lang before the grey morn cam,
She was na hauf sae saucie.

4. O weary fa' the waukrife cock,
And the foumart lay his crawin!
He wauken'd the auld wife frae her sleep,
A wee blink or the dawin.

5. An angry wife I wat she raise,
And o'er the bed she brocht her;
And wi' a meikle hazel rung
She made her a weel-pay'd dochter.

6. O fare thee weel, my bonie lass,
O fare thee well, my hinnie!
Thou art a gay an' a bonnie lass,
But thou has a waukrife minnie.

Line
| Song Index | Home Page |
Line