Craigieburn Wood

Line
Melody -
Line

Robert Burns, 1791

Sweet closes the ev'ning on Craigieburn Wood
And blythely awaukens the morrow;
But the pride o' the spring on the Craigieburn Wood
Can yield me naught but sorrow.
Chorus:
Beyond thee, dearie, beyond thee, dearie,
And O, to be lying beyond thee!
O, sweetly, soundly, weel may he sleep
That's laid in the bed beyond thee!

2. I see the spreading leaves and flowers,
I hear the wild birds singing;
But pleasure they hae nane for me,
While care my heart is wringing.
Chorus:

3. I can na tell, I maun na tell,
I daur na for your anger;
But secret love will brak my heart,
If I conceal it langer.
Chorus:

4. I see thee gracefu, straight, and tall,
I see thee sweet and bonie;
But O, what will my torment be,
If thou refuse thy Johnie!
Chorus:

5. To see thee in another's arms
In love to lie and languish,
'Twad be my dead, that will be seen-
My heart wad burst wi' anguish!
Chorus:

6. But, Jeanie, say thou wilt be mine,
Say thou lo'es nane before me,
And a' my days o' life to come
I'll gratefully adore thee.
Chorus:

Sweet fa's the eve on Craigieburn,
And blythe awakes the morrow;
But a' the pride o' Spring's return
Can yield me nocht but sorrow.

2. I see the flowers and spreading trees,
I hear the wild birds singing;
But what a weary wight can please,
And Care his bosom wringing!

3. Fain, fain would I my griefs impart,
Yet dare na for your anger;
But secret love will break my heart,
If I conceal it langer.

4. If thou refuse to pity me,
If thou shalt love another,
When yon green leaves fade frae the tree,
Around my grave they'll wither.

Line
| Song Index | Home Page |
Line