John Highlandman

Line
Melody - O, an ye were dead, Guidman
Line

Robert Burns

Chorus: Sing hey my braw John Highlandman!
Sing Ho my braw John Highlandman!
There's not a lad in a'the lan'
Was match for my John Highlandman!

A Highland lad my love was born,
The Lalland laws he held in scorn
But he still was faithfu to his clan,
My gallant, braw John Highlandman.
Chorus:

2. With his philibeg an tartan plaid,
An guid claymore down by his side,
The ladies' hearts he did trepan,
My gallant, braw John Highlandman.
Chorus:

3. We ranged a' from Tweed to Spey,
An liv'd like lords an ladies gay,
For a Lalland face he feared none,
My gallant, braw John Highlandman.
Chorus:

4. They banished him beyond the sea,
But ere the bud was on the tree,
Adown my cheeks the pearls ran,
Embracing my John Highlandman.
Chorus:

5. But, och! they catch'd him at the last,
And bound him in a dungeon fast:
My curse upon them every one-
They've hang'd my braw John Highlandman!
Chorus:

6. And now a widow I must mourn
The pleasures that will ne'er return;
No comfort but a hearty can,
When I think on John Highlandman.
Chorus:

Line
| Song Index | Home Page |
Line