Rhynie

Line
Melody -
Line

At Rhynie I sheared my first hairst,
Doun by the fit o Benachie,
Ma maister there was ill tae fit,
But laith wis I tae loss my fee.
Linten ourin ourin addie,
Linten ourin ourin ee.

2. Rhynie's wark is ill tae work,
An Rhynie's wauges is bit sma,
Rhynie's laws are double strick,
And that's fit grieves me warst of aa.
Linten ourin ourin addie,
Linten ourin ourin ee.

3. Rhynie is a cauld clay hole,
It's nane een like ma father's toun,
Rhynie is a hungry place,
And it disnae suit a Lawland loon.
Linten ourin ourin addie,
Linten ourin ourin ee.

4. Sair I've focht and sair I've vrocht,
Until I won my penny fee,
And I'll ging back tae the gate I cam,
And a better bairnie I will be.
Linten ourin ourin addie,
Linten ourin ourin ee.


This is a song about shearing by hand before mechanical reapers were invented. Hard work, low pay, and stupid rules.

Line
| Song Index | Home Page |
Line