The Ranting Dog

Line
Melody - "Whare'll our guidman lie"
Line

Robert Burns, 1786

O wha my babie clouts will buy?
Wha will tent me when I cry?
Wha will kiss me where I lie?
The rantin' dog, the daddie o't.

2. Wha will own he did the faut?
Wha will buy the groanin' maut?
Wha will tell me how to ca't?
The rantin' dog, the daddie o't.

3. When I mount the creepie-chair
Wha will sit beside me there?
Gie me Rob, I'll seek nae mair
The rantin' dog, the daddie o't.

4. Wha will crack to me my lane?
Wha will make me fidgin' fain?
Wha will kiss me o'er again?
The rantin' dog, the daddie o't.

Line

| Scottish Songs Index | Home Page Robokopp |Home Page Musica|
Line