Och Hey! Johnnie, Lad

Line
Melody -
Line

Robert Tannahill

Och hey! Johnnie, lad,
Ye're no sae kind's ye should ha'e been ;
Och hey! Johnnie, lad,
Ye didna keep your tryst yestreen.
I waited lang beside the wood,
Sae wae and weary a' my lane;
Och hey! Johnnie, lad,
Ye're no sae kind's ye should ha'e been.
2. I looked by the whinny knowe,
I looked by the firs sae green,
I looked owre the spunkie~howe,
And aye I thought ye would ha'e been.
The ne'er a supper cross'd my Craig,
The ne'er a sleep has clos'd my een;
Och hey! Johnnie, lad,
Ye're no sae kind's ye should ha'e been.
3. Gin ye were waiting by the wood,
Then I was waiting by the thorn;
I thought it was the place we set,
And waited maist till dawning morn.
Sae be na vex'd, my bonny lassie,
Let my waiting stand for thine;
We'll awa' to Craigton-shaw,
And seek the joys we tint yestreen.

Line
| Song Index | Home Page |
Line