Are Ye Sleepin' Maggie?

Melody -

Robert Tannahill

Mirk and rainy is the nicht,
There's no' a staum in a' the carry
Lichtnin's gleam athwart the lift,
And cauld winds drive wi' winters fury.
|: Oh, are ye sleeping Maggie :|
Let me in, for loud the linn is howling
Ower the warlock Craigie.

2. Fearfu' soughs the boortree bank,
The rifted wood roars wild and dreary
Loud the iron yett does clank,
The cry of hoolits mak's me eerie.

3. Abune ma breath, I daurnae speak,
For fear I rouse your waukrife Daddy
Cauld's the blast upon my cheek,
O rise, O rise my bonnie lady.

4. She's ope'd the door, she's let him in,
She's cuist aside his dreepin plaidie
Blaw yer warst ye rain and wind,
For Maggie noo I'm an aside ye.
|: Noo since your waukin' Maggie, :|
What care I for hoolits cry,
For boortree bank or warlock Craigie.

| Song Index | Home Page |