O Kenmure's On And Awa, Willie

Line
Melody -
Line

Robert Burns, 1791

O Kenmure's on and awa, Willie,
O Kenmure's on and awa:
An' Kenmure's lord's the bravest lord
That ever Galloway saw.

2. Success to Kenmure's band, Willie!
Success to Kenmure's band!
There's no a heart that fears a Whig,
That rides by kenmure's hand.

3. Here's Kenmure's health in wine, Willie!
Here's Kenmure's health in wine!
There's ne'er a coward o' Kenmure's blude,
Nor yet o' Gordon's line.

4. O Kenmure's lads are men, Willie,
O Kenmure's lads are men;
Their hearts and swords are metal true,
And that their foes shall ken.

5. They'll live or die wi' fame, Willie;
They'll live or die wi' fame;
But sune, wi' sounding victorie,
May Kenmure's lord come hame!

6. Here's him that's far awa, Willie!
Here's him that's far awa!
And here's the flower that I loe best,
The rose that's like the snaw.

Line
| Song Index | Home Page |
Line