Highland Harry Back Again

Line
Melody -
Line

Robert Burns, 1789

My Harry was a gallant gay,
Fu' stately strade he on the plain;
But now he's banish'd far away,
I'll never see him back again.
Chorus:
|: O for him back again! :|
I wad gie a' Knockhaspie's land
For Highland Harry back again.
2. When a' the lave gae to their bed,
I wander dowie up the glen;
I set me down and greet my fill,
And aye I wish him back again.
Chorus:

3. O were some villains hangit high,
And ilka body had their ain!
Then I might see the joyfu' sight,
My Highland Harry back again.
Chorus:

Line
| Song Index | Home Page |
Line