O For Ane An' Twenty, Tam

Line
Melody -
Line

Robert Burns, 1791

Chorus:
An' O for ane an' twenty, Tam!
And hey, sweet ane an' twenty, Tam!
I'll learn my kin a rattlin' sang,
An' I saw ane an' twenty, Tam.

They snool me sair, and haud me down,
An' gar me look like bluntie, Tam;
But three short years will soon wheel roun',
An' then comes ane an' twenty, Tam.
Chorus:

2. A glieb o' lan', a claut o' gear,
Was left me by my auntie, Tam;
At kith or kin I need na spier,
An I saw ane an' twenty, Tam.
Chorus:

3. They'll hae me wed a wealthy coof,
Tho' I mysel' hae plenty, Tam;
But, hear'st thou laddie! there's my loof,
I'm thine at ane an' twenty, Tam!
Chorus:

Line
| Song Index | Home Page |
Line