Z'nchst hat mir mei Dirndl
A Brieferl zuag'schrieb'n,
Warum i denn bei der Nacht
Gar nimma kimm,
A Briaferln hat's g'schrieb'n,
Daß i gar nimma kimm.
Holla rirara.
2. Dös Brieferl hat's g'macht,
Daß ma's Herz im Leib lacht,
Denn i bin glei' furt
In der stockfinstern Nacht,
Hab's gar nimma g'acht
Die stockfinsta Nacht.
Holla rirara.
3. Da geh i halt schleuni
Beim Bauern ums Eck,
Da san die Kreuz-Sakra halt
No net im Bett,
Du dös is a G'frett
San dö no net im Bett.
Holla rirara.
4. Da fang i halt glei'
Zum räuspern mi o,
D hat mir mei Deandl
Das Fensterl aufdo,
I steig nei zu ihr,
Du woaßt as scho wia.
Holla rirara.
5. Kaum bin i a Stündl
Beim Deandl drin g'wen,
Da kimmt scho der Bauer
Mit', Ochsenzeahm z'wen'g'
I schau ganz verleg'n,
Z wengn an Ochsenzeahm z'wen'g.
Holla rirara.
| 6. Du, Hiasl, sagt's Deandl
I woaß dir an Rat,
Beim Fenster muaßt aussi,
Bei der Tür is scho' z'spat,
I dank schö' für'n Rat
Bei der Tür is scho' z'spat.
Holla rirara.
7. Da han i mi schleuni
Ums Fensterl umg'schaut,
Da hat mi der Bauer
Scho hint auffi g'haut,
A da hab i g'schaut,
Hat mi der auffi g'haut.
Holla rirara.
8. Und wia i beim Fenster
Bin außi g'schloffa,
Da ist mir der Fensterstock
Nachi brocha,
I bin aussi g'schloffa,
Er is nachibrocha.
Holla rirara.
9. Da schreit glei der Bauer
Geh' Hiasl, oho,
laß mir nur um Gottswill'n
Mein Fensterstock do,
Du kannst' net braucha
Und mir geht er o.
Holla rirara.
10. Hätt i oft dös Pech,
Wie damals, jo, jo,
Da g'wöhnat ma i liaba
's Fensterlgeh' o,
Denn ob i sitz oder steh,
's tuat heut noch alles weh.
Holla rirara.
|
