Z'Basel an mym Rhy

Line
Melodie - Franz Wilhelm Abt, 1819-1885
Line

J. P. Hebel

Z'Basel an mym Rhy,
Jo, dert mecht i sy!
Weiht nit d'Luft so mild und lau
Und der Himmel isch so blau
|: An mym liebe, an mym liebe Rhy. :|

2. Uf der Basler Pfalz
Alle Lyte gefallt's.
O, wie wechsle Berg und Tal,
Land und Wasser iberal
|: Vor der Basler, vor der Basler Pfalz! :|

3. Uf der breite Bruck
Fir si hi und z'ruck
Nai, was seht me Herre stoh,
Nai, was seht me Jumpfere goh,
|: Uf der Basler, uf der Basler Bruck! :|

4. Wie ne frei Spatz,
Uffem Petersplatz
Flieg i um und 's wird mer wohl
Wie im Buebekamisol,
|: Uffem Peters-, Uffem Petersplatz. :|

5. Uf der griene Schantz
In der Sunne Glanz,
Won i Sinn un Auge ha,
Lacht's mi nit so lieblig a,
|: Bis go Santi-, bis go Santi-Hans. :|

6. 's Seilers Redli springt;
Los, der Vogel singt,
Summervegeli jung und froh
Zieh'n de blaue Blume no,
|: Alles singt und, alles singt und springt. :|

Line
| Liederverzeichnis | Home Page |
Line