Und denn segelt wi so langsam rund Kap Horn

Line
Melodie -
Line

Sitt de See-lüd obens mol, so bi Grog un Beer
Ward vertellt so allerhand, as dat fröher weer
Seemans-garn, mol fin, mol groff, ward denn kräftig spunn'n
Wenn 't nich ümmer Wohrheit is, denn is dat eb'n erfunn'n.
Refrain:
Un denn segelt wi so langsam rund Kap Horn
Un de See, de steiht von Achtern und von Vorn
Un de Storm, de weht ut Ost, West, Süd un Nor'n
Un denn segelt wi so langsam rund Kap Horn

2. Is dat mol'n bet'n later worrn, un dat is denn ut
De ool Grog smeckt gar to schön, und du kommst den rut
Seilst du so de Stroot entlang, geist mol öber Stag
Hest doch bannig Slagsiet kreg'n, dat weer'n slimme Nacht.
Refrain:

3. Büst du nachher ut de Fohrt, kümmst op Oolendeel,
Denkst noch oft, wie schön das weer, un vertellst noch veel
Kinner hört andächtig to, sitt bi di op 'n Schoot
Din Gedanken seilt wiet weg, ümmer mit de Floot.
Refrain:

4. Un eer du di dat verseh'n, is din Tied to Enn,
Un de letzte Reis de kümmt, dor no boben hen,
Petrus lacht di fründlich an, segt : Kumm rin, min Ool,
Büst jo 'n rechten Seemann west, ober erst singt wi nochmol:
Refrain:

Line
| Liederverzeichnis | Home Page |
Line