De lustige Kock

Line
Melodie -
Line

Plattdeutsch Seemannslied aus Friesenland

Juchhei lustig, seggt he, ick bün Kock, seggt he,
Drink ok geern, seggt he, en Glas Grog, seggt he,
Fahr noh see, seggt he, twintig Johrn, seggt he,
Heff ok ümmer, seggt he, glücklich fohrn.

2. Gäle Arften, seggt he, kaak ick möör, seggt he,
Röhr se ümmer, seggt he, düchtig döör, seggt he,
Een Stück Speck, seggt he, tämlich groot, seggt he,
Smeckt up See, seggt he, würklich good.

3. Back ick Klüten, seggt he, as bekannt, seggt he,
Spee ick eerst, seggt he, in de Hand, seggt he,
Maak se denn, seggt he, kugelrund, seggt he,
Smecken good, seggt he, sünd gesund.

4. Wenn ick kaak, seggt he, för'n Koptain, seggt he,
Maak ick all'ns, seggt he, sauber rein, seggt he,
Mit'n Strump, seggt he, wisch ik ut, seggt he,
Eerst de Schöttel, seggt he, denn de Putt.

5. Doch een Deel, seggt he, is dorbi, seggt he,
Dat ick sorg, seggt he, ok för mi, seggt he,
For mien Möh, seggt he, for mien Fliet, seggt he,
Stäk ick wat, seggt he, an de Siet.

6. For't Logis, seggt he, sorg ik ok, seggt he,
Denn ick bün, seggt he, bannig klook, seggt he,
Godes Futter, seggt he, un ok satt, seggt he,
Un den Rest, seggt he, kriggt de Katt.

7. Man ick eet, seggt he, giern alleen, seggt he,
Jeder bruuk dat, seggt he, nich to sehn, seggt he,
Wenn ich heff, seggt he, 'n beten Good's, seggt he,
Dat mi smeckt, seggt he, ganz famos.

8. Mien Kombüüs, seggt he, is hübsch rein, seggt he,
Allens is, seggt he, püük un fein, seggt he,
Wer rein kummt, seggt he, ward glieks rufft, seggt he,
Un ick sett em, seggt he, an die Luft.

9. Störtebecker, seggt he, de Pirat, seggt he,
De weer bannig, seggt he, desperat, seggt he,
Eet to'n Fröhstück, seggt he, 'n ganzen Stör, seggt he,
Metz un Gabel, seggt he, achterher.

10. Fidschi Eiland, seggt he, was ik ok, seggt he,
Freeten's Minschen, seggt he, as nich klook, seggt he,
Un ok mi, seggt he, wull'n se freeten, seggt he,
Doch ick bün jem, seggt he, fix utreeten.

11. Bi Kap Hoorn, seggt he, seech'k'n Will'n, seggt he,
De deed luud, seggt he, "Hummel" brüllen, seggt he,
Dacht bi mi, seggt he, dat's wat Roor's, seggt he,
Ick fohr af, seggt he, un rööp "Moors".

12. So fohr ick, seggt he, ümmer to, seggt he,
Kaam ick mol, seggt he, noh mien Froo, seggt he,
Denn wies ick ehr, seggt he, wie man kaakt, seggt he,
Un als Seelüüd, seggt he, sünst dat maakt!

Line

| Liederverzeichnis | Home Page Robokopp |Home Page Musica|
Line