Dröm loß mer jetz ens schunkele

Line
Melodie - Willi Ostermann
Line

Willi Ostermann

Wenn mer sich amüsiere well,
Jo dann ess ganz geweß op kölsche Aat
Bei festlicher Gelägenheit
Et Schunkele, et Schunkele ahngebraht.
Zoeets, do springk mer op vum Stohl,
Dann gitt mer gägenseitig sich de Hand.
Lück, die sich nie gesinn,
Die schökkele her un hin,
Ess dat nit schön,
Dat ess doch intressant.
Refrain:
|: Dröm loß mer jetz ens schunkele,
Ens schunkele, ens schunkele,
Mer kann jo nit wesse, wo für et got,
Mer weiß net, wie lang et met uns noch doot,
Mer wähden die Sorge loß,
Un et ess jet, wat nix koß. :|
2. Dat Schunkele ess en eige Sach,
Die Idee kom in Köllen op de Welt.
D'r Kölsche schunkelt Dag un Naach,
Weil et schließlich Liev un Siel zosammenhält.
Et spillt dä Jahrgang gar kein Roll,
Weil mer vun selver en Bewägung kütt.
Et deiht dem Jüngste got,
'nen Ahl kritt neue Mot,
Dat ess d'r Zweck,
Mih welle mer jo nit.
Refrain:

3. Wat hätt dat schließlich für 'ne Zweck,
In en Eck sich zo setze wie 'ne Stief,
Do stellt mer sich am beste jeck
Un mer schöddelt sich de Sorgen all vum Liev,
Et Gägenteil wör ganz verkeet,
Denn die paar Dag, die mir zo levven han,
Dat ess nit wigger schlemm,
Die gon vun selvs eröm,
Dä Augenbleck
Uns keiner nemme kann.
Refrain:

Line
| Liederverzeichnis | Home Page |
Line